SELAK NI BEDAK-pjesma branitelja Čaplje

SELAK NI BEDAK-pjesma branitelja Čaplje

9. travnja, 2013.
Print Friendly, PDF & Email

To če sem same mali selak
bormeć ne znači da sem bedak.
Kam to moju zemlu vi pelate,
z mene i radnikov bedake delate.

To kak se vi gore na bregu špinčite
i z svoju bedastoću bahate dičite,
mene je tak strašne teške i sram,
naj rajše bi pobegel, al nam kam.

Vu Sabornice nigda nikog nema,
same jen pospanec v kutu drema.
On za pultem znosi nekakove teze,
ak se mene pita, se je to bez veze.

Same neki paragrafi i važni, štatuti,
onda kak da si razmišla male šuti.
Odi sinek s tega časneg pulta dole,
ak si tak spameten zakaj nije bole.

Zdej veliju da bu skerem došla vura,
gda buš mogel reći da si dečec ili cura.
Dva dečaka oni ženiti bi šteli,
a dve pucke istem v zamuž deli.

Čak bi njimi šteli tuju decu dati,
Baš ih briga do je otec a do mati.
Se kaj  si želiju je prek sake mere,
protiv Boga i štatuta naše vere.

Veliju da morti jednom bude bole,
al ja tega čekat više nemam vole.
Ake čete da vam opet bude bole,
verujte te mi, ž njimi odmah dole.

Čaplja,  Zagreb  – 18. 03. 2013. T

2 komentara

Uskoči u raspravu
  1. Ivana Zuppa Bakša
    #1 Ivana Zuppa Bakša 31 svibnja, 2013, 09:54

    Želimo uglazbiti pjesmu. Molimo za odobrenje.
    Ivana Zuppa Bakša

    Odgovorite na ovaj komentar

<